A 詩1:1-6
1.無行歹人道路，存心不敢惡毒；暝日三思上帝法度，這人真正有福。
2.這人如樹一般，栽佇有水溪邊；沒凋它葉茂盛好看，照時果子會生。
3.所做各項興旺，上帝賜他大福；予他死後上到天堂，踮佇上帝的國。
4.歹人冇粟一般，都是無用的物；予風吹開立刻四散，歹人上帝不得。
5.遇著審判日子，好歹都總分離；好人天頂享受福氣，歹人與主相離

Ab 詩2:1-12
1.列邦啥事亂亂喧嘩﹖百姓空空服勞﹖世上君王列國諸侯，同心聚集計謀。
至尊上帝?敢背逆﹗與主來做對敵！離開聖經真道極遠，律法所綁扯斷。
2.天頂主宰永坐高位，藐視反叛黨類；深深怨恨怒氣譴責，刑法真重至極。
主講我立君王做大，威嚴坐佇郇山；主抬鐵拐嚴嚴治理，打?親像磁器。
3.列王得來承受教示，官民得趁道理；一邊歡喜一邊驚惶，敬畏上帝尊名。
人子受氣比火較熱，驚了路中受滅；得緊緊來反悔降服，靠祂永遠享福

Eb 詩15:1-15
1.主啊是誰能倘寄腳 踮佇?的布棚 主耶和華?的聖山 是誰能倘徛起
2.就是所行正直的人 所做也是公義 佇他心內所想逐項 說出誠實情理
3.他無用舌來加誣人 無惡款待朋友 他對厝邊無尋空縫 無想欲報冤仇
4.他用目睭看輕匪類 尊重愛主的人 發出咒誓雖受剋虧 也無變換搖動
5.他銀借人無為利息 無受賄賂作惡 此號的人得主能力 永永堅固自在

Bb 詩8:1-9
1.謳咾稱呼主耶和華，?名全地極大；?將榮光排設佇天，真正偉大奇異。
2.?對兇猛的大對敵，顯出奇妙能力；吃乳嬰仔也欲顯明，能予對敵靜靜。
3.抬目看主所造的天，?排列月與星；人是什麼?思念他，也眷顧他子兒。
4.他比天使釐仔較輸，尊榮冕旒都有；?設立他管理一切，萬物置他腳下。
5.飛鳥走獸海內的魚，都總降服佇他；天父上帝主耶和華，?名全地極大。

F 詩19:1-4, 7ff, 14
1.天頂講起上帝榮光 穹蒼報揚主齊全 日暝相續　無言無語　傳出知識真豐富
2.?的聲音無可聽見 準繩遍滿到天邊 ?的言語到佇萬邦　主為日頭安帳房
3.上帝律法至極齊備 使人心神得活氣 祂的干證確實有益　憨人聽了有智識
4.耶和華正直的教示 能使人心神歡喜 耶和華清潔的命令　能使人目睭光明
5.耶和華我堅固石磐 懇求?來救贖我 我口所講　我心所想　願?接納如芳香

F 詩23:1-6
1.主耶和華是我牧者 我無欠缺一件 青翠草埔使我徛起 導到安靜水邊
2.使我靈魂精英醒悟 導我行義的路 我雖行過死蔭山谷 免驚死亡凶惡
3.雖有危險免驚災害 因為我主同在 用?的棍顧守保庇 用柺安慰扶持
4.對敵面前排設筵席 給我各項夠額 佇我頭殼用油來抹 使我的杯滿滿
5.恩典慈悲的確跟我 到盡一世無息 我要永遠快樂安住 佇耶和華的厝

C G 詩24:1-6
1.地與其中所充滿的 攏總屬主上帝 祂將地建立佇海面 安置佇水頂面
2.是誰能上上帝聖山 豎祂聖的所在 清氣的手清潔心肝 誠實是主所愛
3.心無虛假無存奸詭 這人主必賜福 且從上帝得著恩惠 ?是尋主民族

Eb (哈利路亞) 詩24:7-10
1.城門當舉起恁的頭 榮光的王臨到 永遠的門當受舉起 迎接君王入去
榮光的王祂是是誰 是主至尊至貴 祂有氣力有大權能 萬民應該恭敬
祂有氣力有大權能 萬民應該恭敬
Coda 哈利路亞！*5 阿們！*3
2.城門當舉起恁的頭 榮光的王臨到 永遠城門頭當舉高 大君王必凱旋
榮光的王祂是是誰 是主至尊無對 萬軍的主是耶和華 咱得謳咾無息。
萬軍的主是耶和華 咱得謳咾無息。

Ab 詩27:1-9
1.至高的主做我的光 又祂共我救命 做我性命的大氣力 什麼能使我驚
2.雖然對敵大陣紮營 我心不免搖泏 雖然有起交戰要打 我能自在無擦
3.我曾對主討一項事 致意欲求此層 可一世人徛起祂厝 看主美妙燦爛
4.災難的時祂要蓋我 藏密佇祂布棚 危險的時置我高高 佇石磐頂徛起
5.主彼時對我講此句 大家著來覲我 我的心肝有應祂講 主啊 我愛近倚
6.使我得救我的上帝 求?面勿得掩 ?曾幫助不可放拺 勿得趕我遠遠

Eb 詩32:1-6, 10
1.過失得赦罪得遮蓋 這人真正有福 上帝不給他算不義 此人實在快樂
2.我曾恬恬不愛祈禱 無愛認我的罪 主手暝日壓我真重 彼時身軀愈衰
3.對?排列我的罪過 無隱藏我罪愆 我講要認我的過失 ?就給我赦免
4.虔誠的人趁時尋? 著求叫我的主 大水淹到滿流直界 不到彼人身軀
5.壞人受著多多苦難 總是人倚靠? 慈愛憐憫包圍幫贊 為主當大歡喜

Eb 詩34:1-10
1.上帝至高我愛稱讚 常常謳咾出聲 嘴都不恬心神思念 誇口我主的名
2.謙卑的人聽見此項 能拿祂做歡喜 今咱大家稱讚上帝 祂名著?興起
3.所驚的事我曾求主 祂都給我除了 舉頭看祂就得福氣 面不遇著見誚
4.今咱大家做主聖者 當敬畏祂的名 主有恩惠人若敬畏 就無久缺一件
5.獅子曾飢欠食等候 四處討食空空 凡若尋主無欠好事 好物無欠半項

Eb 詩37:1-7a, 16
1.心內勿為惡人不平 勿怨不義興盛 ?親像草不久受割 快快枯焦就息
2.得偎靠上帝來行好 用誠實做至寶 看耶和華來做歡喜 所求祂要予你
3.將你的大誌交代主 偎靠祂免掛慮 祂要予你的義光明 得等候得靜靜
4.義人所有雖然少少 平安歡喜笑笑 贏過多多歹人富有 所欠用主賞賜

B 詩40:1ff, 8, 10
1.我曾吞忍等候上帝，曾盼望我的主；祂俯耳孔聽我祈禱，所求祂有賞賜。
2.從深陷坑從塗泥中 祂有牽我出來 予我的腳立石磐頂 予我行路自在
3.使我的嘴唱新的歌 吟詩謳咾感謝 百姓多多看見驚畏 來倚靠主的名
4.我的上帝?的旨意 我以它做快樂 ?的律法佇我心內 願我作?奴僕
5.?的公義未曾隱藏 我曾四處報揚 ?的誠實拯救的恩 講起佇大會中

F 詩42:1-8
1.如鹿?直直走 口渴愛飲溪水 我心欣慕愛到 上帝所住彼位
2.我的心神口渴 欣慕真活上帝 愛踮祂面前豎 何時能到彼位
3.對敵沓沓?問 你的上帝何位 我心艱苦不算 因為與主離開
4.何事失志不安 心神著望主名 祂面向我愛助 我要謳咾感謝
5.佇日時耶和華 要用仁慈助我 暝時使我唱歌 謳咾感謝無息

G 詩43:3ff
1.求上帝發出?的光 以及?的真實 來引導我上到聖堂 倘與天父親蜜
2.我真愛到上帝祭壇 我心就能歡喜 我欲彈琴出聲唱歌 謳咾上帝仁義
3.我心合事煩惱憂悶 你當盼望上帝 我尚且欲謳咾主恩 祂是我的天父