Fwd: 歐洲大雪
睇到新聞報導有好多香港留學生被迫滯留喺倫敦機場... 但係我就越睇越有種不吐不快嘅感覺!首先我聲明,我絕唔係「針唔吉到肉唔知痛」嗰啲人!雖然我冇孩子,但係我都是一個坐飛機好似坐巴士嘅乘客,我成日都遇到搭唔到機,滯留喺機場一兩日都好平常,往往連酒店又冇,甚至不停轉飛又不能著陸等嘅極不快嘅經歷...簡直係數不盡....
所以我當然明白那種無得瞓,「饑寒交迫」,好恨返屋企但係又冇出路嘅苦況,但係我覺得即使係咁,都唔應該好似有些香港人咁....到處投訴,無理取鬧....! 你估佢地想嘅咩!? 天氣邊個可以控制得到呢!!?
那些人不斷咁鬧國泰同港府點解唔安排包機去接佢地返來.... 唉!點解佢地咁「無知」嘅呢!!? 莫講話希斯羅機場因大雪停飛所有航班,就連全歐洲主要嘅城市都係.... 咁試問即使安排到那些「包機」起飛... 咁又可以喺邊處落機呢!
佢地又投訴國泰點解要收那些原本唔係買國泰機票嘅乘客每張票$10,000 for those 加班機... 話佢地「趁火打劫」?!! 但係常理都知喇.... 你本來唔係買國泰,咁你又要想搭飛機,梗係要俾錢喇... 咁又有乜問題呢!
更有好多學生靠惡哄那些地勤職員,或詐稱自己爸爸過身要趕返香港奔喪等等... 而那些人竟最終特別被安排上到機返港!可憐那些安份守紀嘅就反被冷落對待,仍是呆等在機場!
我覺得呢班家長有啲過份緊張,太過瀝愛那班年輕人!其實對佢地成長都唔咁係好嘅!講真佢地唔係經歷地震海嘯之類嘅險境,而且全都喺室內!當然,啲衛生環境唔多好,但未至於身處乜野危險地方吖!?唉!唔好寵壞啲後生仔女,小小風浪都唔識照顧自己!第時畢業點做香港嘅中流砥柱呢!